തുമ്പീ പോരൂ കൂടേ നീ
തുമ്പപ്പൂവിന്‍ തേനൂട്ടാം
ചെത്തിമന്ദാരങ്ങള്‍ ചെമ്പകമൊട്ടുകള്‍
ചേലിലൊരുക്കീടാം -
നല്ലൊരുകൂടൊരുക്കീടാം - തുമ്പീ -
കൂടൊരുക്കീടാം.
*** *** ***
പൊന്‍വെയിലില്‍ തത്തിക്കളിക്കാന്‍
ഞാനും കൂടീടാം - നിന്നൊപ്പം
ഞാനും കൂടീടാം.
പനിനീരു പൂശിയ പട്ടു വിശറിയാല്‍
പൂമേനിയാറ്റീടാം - പട്ടിളം
പൂമേനിയാറ്റീടാം.
*** *** ***
തെളിനീരില്‍ മുങ്ങിക്കുളിക്കാന്‍
ഞാനും കൂടീടാം - നിന്നൊപ്പം
ഞാനും കൂടീടാം
ഇളനീരിന്‍ ശീതള പാനീയമേകാം
പൈദാഹമാറ്റീടാം - നിന്നുടേ
പൈദാഹമാറ്റീടാം.
----------------------
K.C. Geetha.
Subscribe to:
Post Comments (Atom)
11 comments:
ഗീതച്ചേച്ചി,
ബ്ലോഗ് തുറന്നു തന്നതില്‍ സന്തോഷം.
ആശംസകള്‍
ഒത്തിരി നാളുകൾക്ക് ശേഷം ഗീതടീച്ചറുടെ കവിത.ബ്ലോഗ്ഗ് ഞങ്ങൾക്കായി തുറന്നു തന്നതിൽ ഒത്തിരി ഒത്തിരി സന്തോഷം തോന്നണു.കുഞ്ഞു തുമ്പിയെയും കുഞ്ഞിനേം ഇഷ്ടായി
വന്നല്ലോ വനമാല! നല്ല കവിത മോള്‍ക്ക് ചൊല്ലിക്കൊടുത്തു നോക്കട്ടെ.
ഗീതാമ്മേ;
ഇപ്പോള്‍ ഒന്നേ പറയാനുള്ളൂ;
ഈ മീറ്റിനു പങ്കെടുക്കണമെന്നു അഭ്യര്‍ത്ഥിക്കുന്നു...
http://kalyanasaugandikam.blogspot.com/2009/06/blog-post.html
ഗീതേച്ചീ..,കുഞ്ഞിക്കവിത കൊള്ളാം ട്ടോ...:)
ഓ:ടോ:
ബാക്കി പോസ്റ്റുകളൊക്കെ എവിടെ പോയി..ആകെ മൂണെണ്ണമേ ഉള്ളല്ലോ ഇപ്പോള്‍..
ഗീതേച്ചീ,
എത്രനാളായി കണ്ടിട്ട്?
കുഞ്ഞിക്കവിത രണ്ടുവട്ടം ചൊല്ലി രസിച്ചു.
കുഞ്ഞിക്കവിതയും കുഞ്ഞിനേം തുമ്പീനേം ഒക്കെ ഇഷ്ടായി.
അനില്‍, കാന്താരി,ചങ്കരന്‍, ഹരീഷ്, റോസ്, ലതി, എഴുത്തുകാരി - കൂട്ടുകാരെയെല്ലാം വീണ്ടും ഈ മുറ്റത്ത് കണ്ടതില്‍ എത്ര സന്തോഷമുണ്ടെന്നോ.
ഇടക്ക് ഒരു വിഷമമുണ്ടായപ്പോള്‍ ബ്ലോഗ് ഡിലീറ്റ് ചെയ്തു. പിന്നേയും ഇതാ വന്നിരിക്കുന്നു.
അനില്‍, കാന്താരി, ബ്ലോഗ് പൂട്ടി വച്ചതല്ല. ചങ്കരാ ആ കമന്റ് ഇഷ്ടായി.
ഹരീഷ്, ചെറായി മീറ്റില്‍ പങ്കെടുക്കാന്‍ ആവുന്നതും ശ്രമിക്കാം. നന്ദിയുണ്ട് ക്ഷണനത്തിന്.
റോസേ, ഇതത്രനല്ല കവിതയൊന്നുമല്ല. ബാക്കിയൊക്കെ ഡിലീറ്റി.
ലതീ, എഴുത്തുകാരീ, രണ്ടുപേരേം ഞാന്‍ കണ്ടു കണ്‍‌നിറയെ ! മീറ്റിലെ ഫോട്ടോകള്‍ ഡൌണ്‍ലോഡ് ചെയ്തു വച്ചിട്ടുണ്ട്.
കൂട്ടുകാരേ, നിങ്ങള്‍ എന്നെ മറന്നില്ലല്ലോ എന്നോര്‍ക്കുമ്പോള്‍ തന്നെ മനസ്സു നിറയെ സന്തോഷം. നന്ദി എല്ലാവര്‍ക്കും.
എന്‍റെ ദൈവമേ , ഞാന്‍ എന്തായീ കാണുന്നേ .. സന്തോഷമായി ..വളരെ സന്തോഷം ..നന്ദി ചേച്ചി .
എന്നാലും എനിക്ക് ഒരു പരാതി ഉണ്ട് . എന്നോട് ഒരു വാക്ക് പറഞ്ഞില്ലല്ലോ ഇത് തുറന്നപ്പോള്‍ .എന്നാലും വേണ്ടീല .സന്തോഷമായി .
ഭാവഗാനങ്ങളുടെ വാതായനങ്ങള്‍ വായനക്കായി വീണ്ടും തുറന്ന ചേച്ചി അഭിനന്ദനങള്‍ .
നാളത്തെ ബ്ലോത്രം പത്രത്തില്‍ ഈ വാര്‍ത്ത കൊടുക്കാന്‍ പറയാം .
കാപ്പൂ, അങ്ങനെ പറയാനും വേണ്ടിയൊന്നും ഇല്ല.
“ഭാവഗാനങ്ങളുടെ വാതായനങ്ങള്‍ വായനക്കായി വീണ്ടും തുറന്ന ...”
എന്റെയീ പൊട്ടബ്ലോഗിനെ പറ്റി ഇത്ര വലിയവാക്കുകള്‍ ഒന്നും പറയരുതേ. ആ വാക്കുകള്‍ക്കു കൂടി സങ്കടം വരും.
Post a Comment